البنت
وقعت من خروم المشربيّة..
و
بدل ما ترجع يوم لابوها ..
حزموها و علموها
إن
هز الوسط فن و جدعنة..
جد
و عرق
البنت
باعت وسطها وسط العيون اللى اشتهت
و
البنت لو باعت فى لحظة
تبقى ضاعت و انتهت
آه
يا بلد
ـــــ
الواد
بينطق باللغات
بيقولّى
: merci أو sorry
يا
زمن عجيب
آسف
و شكراً عندنا بقوا عار و عيب
و
البغبغان عاد الكلام
و
السقا مات
مش
بس هوّ ..كله مات
أصل
الكلام يرفع بلد..يهدم بلد
و
الكون بـ"كن" صار و اتوجد
آه
يا بلد
ـــــ
يا
كهف بارد واحنا أهله من سنين
نايمين
و مالناش أى دعوة باللى حاصل للزمن
حتى
الساعات فى إيدينا صدّت
و
انكتم فيها الرنين
لو
كنا 6 و الاّ 7 أو 8 مش هَتِفْرِقْ
ده
العدد كان فى الليمون
و
الكلب فوق السطح نايم زيّنا
لكن
بنسمع كلمته
لـمّا
نبح..الكل نام
وان
يوم نبح..
الكل
هيقوم يشتغل
بعدين
ينام
و
الطاعة خوف
و
الخوف ماهوّاش مالكلاب
الخوف
هنا..من نفسنا
خلينا
نايمين فى العسل
آه
يا بلد
قلبى
من الآه اتحرق
شرب
القلم دمعى و بكى فوق الورق
شرب
القلم دمعى و بكى
فوق
الورق
******
أحمد خيري سليم
