لماذا الخوف

لماذا الخوف سيدتى؟

أ مِن ماضٍ مضى كالطيف مبتسماً

لأيامٍ سوياً قد رسمناها وصغناها بأيدينا..

وأحلامٍ بريئاتٍ أضاءت فى ليالينا..

لماذا الخوف؟ هل خوفاً من الحاضرْ؟

أليس اليوم يجمعنا..يقبّلنا بثغرٍ عاطفٍ حانٍ..ويحمينا..

يغنى حين يلقانا وإن تعبتْ أغانينا يقوّينا..

أليس يلوّن الدنيا بأعيننا..

أليس يزيّن الأشياء بالياقوت والمرمرْ؟

ويرويها بريح المسك والعنبرْ..

أ خوفٌ ذاك أم طمعٌ إلى الأكثرْ؟

غداً سيجيئنا أكثرْ..غداً سيجىء يعطينا..

لماذا الخوف سيدتى؟ أمن غَدِنا؟

ومن يدرى..

أيأتى للـدُّنـا غدها..

مسافرةٌ بلا سفرٍ إلى باكرْ !!

أمِنـى الخوف؟ مِن شاعرْ؟

فلست‘ كسائر الشعراء مفتخراً

بأنـى ارتدت‘ أروقة النساء الحورِ..سيدتى

ولستِ اسماً حبيساً فى مفكرتى..

أراجعها فـأنسى أين ألقيها..وأنسى كل ما فيها

أحبكِ ..حين أنطقها..فإنـى جدّ أعنيها..

أعانيها..سعيدٌ أننى حقاً أعانيها..

إذا ما غبت‘ يوماً عنكِ يا عمرى..

يغيب النبض عن نبضى..

ويسرى الموت حياً فى شرايينى..

وتسكن كل أشباح الرُّبـَى جسدى..

فيبكى الخوف فى عينىّ مرتعداً ويُبكينى..

إذا ما قلت‘ إن هزائمى دهـراً تذوب كسرب أوهامٍ

لأنـى جئت‘ ألقاكِ..

إذا ما بتُّ مختصراً حكاياتى

بأنـى كنت أهواكِ..وأنـى اليوم أهواك..وأنـى سوف أهواكِ..

تراكِ تصدقين هواى مولاتى؟

سؤالٌ ليس يتركنى..يؤرقنى..يمزقنى..

ويرفعنى إلى أعلى..إلى أعلى ويلقينى..

ويرفعنى ويلقينى..

سؤالٌ لا يجافينى..

لماذا الخوف سيدتى؟

أجيبينى.. أجيبينى.. أجيبينى..

***********
أحمد خيري سليم

عشانِك (عامية)

عشانك باصحا من نومى

واعيش يوم تانى من عمرى

عشان خاطرك

ولما يبتدى يومى

ينام الليل على ايديكى ويتغطى

يقوم الفجر يتوضّا..فى نور عينك

وتصحا الشمس تتمشى على جبينك

وترقد ألف عصفورة على شعرك

تغنيلك وتدعيلك لرب الكون يخليكى

يزيد عمرك عشان خاطرى

واعيش يوم تانى من عمرى

                                                               عشان خاطرك
                                      ************
                                       أحمد خيري سليم

رسالة من طبيب تعبان (عامية)

هاقرالكو حتة من رسالة شاب حائر

كان طبيب راح يستلم تكليف وزارى و بقرار ظالم و جائر

عينوه تحت الجنوب

يالا اسمعوا..خلوا اللى فكر يوم يكون دكتور يراجع فكرته..

يمكن يغير مهنته..جايز يتوب..نص الجواب:

أمى العزيزة الطاهرة..بعد التحية والسلام..يحلا الكلام..

وابعت رسالتى معطرة..بالدمع والشوق والحنين..

مبعوتة من آخر بلاد المسلمين..على ألف كيلو من جنوب القاهرة..

باركيلى يا ست الحبايب..زغرطى لـمّى الجيران

حاكم وزارة الدكترة..فجأة لقيتها مقررة..إنى اتبعت أبعد مكان

لجنوب حلايب..مش باقولك زغرطى

طبعاً يا أمى اطمّنى دى الحالة عال..

والعيشة عمرى ما عشتها ولا فى الخيال..

الـميّة غير ما درستها..هنا ليها طعم و ليها ريحة و ليها لون..

والأكل زى الـمزرعة..مليان بأنواع الطحالب و العفن..

أما السكن فمافيش سكن..حبة قماش اسمه الخيام..

و اهى حاجة تستر م العقارب والهوام..

والانتقال فوق المواشى والجمال..

حتى التراب طول النهار عمال بيدبح فى العيون..

هنا كل يوم عمال باقرّب م الجنون..

أمى العزيزة..ابنك المحروس عِلِــى..ابنك وصل..

شغال فى مستوصف كبير..و العبد لله المدير..

مش عبقرية فى العمل ولا مقدرة..لكن مافيش غيرى هنا..

بابقى التمرجى والطبيب للعيانين..و ساعات باكون الصيدلى..

مع إن فى الـمخزن مافيش غير أسبرين..أو بنسلين..

بالليل بقى بابقى الغفير..

مش قلتلك..الطب فى البلد الفقيرة يعيش فقير..

و يموت فقير ويّا الزمن..وهيدّفن من غير كفن..

طب الحجارة والبخور..طب النبات والمعجزات..

و الحالة لو مستعصية..يبقى العلاج بالأدعية..

م الأولياء الصالحين..

و الأمر لو محتاج جراحة..فالجراحة شىء بسيط..

خرّاج عبيط..أو بنت نخرم ودنها بإبرة خياطة وأى خيط..

أكبر جراحة عندنا هى الطهور

أما الآلات فآلاتنا آخر فلّلى..مشرط مصدى من سنين..

و سرنجة واحدة بتتغلى..

ماقدرش اغير سنّها إلا بقرار م البيه الوزير

آدى حكاية شاب واحد من آلاف واقفين طابور

أصل العمل فى الطب سخرة..

يعنى طور مربوط فى ساقية بيشتغل ماياخدش أجرة..



مرة قريت فى كتاب لغة عن أصل طب

الطب كلمة أصلها م الفعل:طَب..يعنى وقع..

واللى وقع ماوقفش تانى..واللى وقف..فجأة انخطف..

واللى انخطف مارجعش تانى..

دى الحكاية باختصار..و بدون هزار..رحلة ضياع..

و التذكرة رايح فقط..مافيهاش رجوع..

أمي العزيزة فى الختام ... عايز أقولك أمر هام..

ويّا الجواب ستين جنيه..

تحويشتى من أربع شهور..جد و عمل..

إدّى الفلوس لخطيبتى يمكن تنتظر..

و قوليلها تصبر..ده اللى يصبر ينتصر..

و بدون مبالغة فى التفاؤل والأمل..

همّا يدوب تلاتين سنة..و ارجع نجيب أجمل دبل..

تبدأ حياتنا من جديد أو تنتهى..مش مشكلة..

بس المهم انّى أكون حققت كل الأمنيات..

و جاوبت كل الأسئلة..

يفضل سؤال مالهوش جواب مهما يطول بيّا الزمن..

ياهل ترى لسة الطبيب شىء محترم..

والاّ خلاص مالهوش تمن..
*********
أحمد خيرى سليم

وأرحل عنكِ

وأرحل عنكِ بعيداً بعيدا

لعل العيون إذا ما افترقنا تتوه مع الناس

بين العيونْ

وأرحل عنكِ..لعل الوجوه تضيع ملامحها

فى الظنونْ

وأرحل عنكِ..لعل القلوب إذا ما افترقنا

ستبكى قليلاً وتنسى مع الوقت كل الشجونْ

وأرحل عنك..

لأنى هويتك من ألف عامْ

لأنى أحبك لا أرتضينا كباقى الأحبةِ

بعض البقايا وذكرى حطامْ

وأرحل عنك لأن الزمان زمان الخطايا

وفيه البراءة تغتال فى النور

وسط الزحامْ

وأرحل عنك.. لأنسى هوانا

فأذكر فى البرد دفء الحنانِ

على راحتيكِ

وأشرب فى البعد خمر التناسى

فأنسى البلاد وأنسى الدروبَ

وأبكى كثيراً فأذكر دمعى

على وجنتيكِ

وأرحل عنكِ

فأمضى إليكِ

تردد عيناكِ همس السؤالِ:

علامَ الرحيل وكل ارتحالى

إلى مقلتيكِ...

ـــــــــــــــــــــــــ

أحمد خيري سليم